Saturday, 16 November 2013

തീയിൽ കുരുത്തവർ...



ഞാൻ , ഒരു യുദ്ദം ജയിച്ചവൻ ..
അവസാനിച്ച കിതപ്പുകളുടെ 
തിരു ശേഷിപ്പ് ..
വിയർപ്പു ചാലിൽ കുറിച്ചിട്ട 
ജീവന്റെ കഷണം 

പേരറിയാ സഹോദരങ്ങളെ 
മരണത്തിലേക്ക് തള്ളിവിട്ട് 
ജീവന്റെ മധുരം 
ഒറ്റയ്ക്ക് നുകർന്നവൻ ..

ഇരുട്ട് തിങ്ങി മരണം മണക്കുന്ന 
നനഞ്ഞ വഴികളിൽ 
തളരാതെ ഓടിയവൻ ..

ചത്തു വീഴുന്ന കൂടപ്പിറപ്പുകളെ 
ചവിട്ടി പിന്നിലാക്കി 
നിലനിൽപ്പിന്റെ സമരം 
തനിയെ ജയിച്ച യോദ്ദാവ് 

ഞാൻ തീയിൽ കുരുത്തവൻ 
വെയിലുകളുടെ മുഖം നോക്കി 
ആകാശത്തിലേക്ക് മുഷ്ടി ചുരുട്ടി 
ജീവിക്കാനിറങ്ങിയവൻ ...

1 comment:

  1. ഞാൻ തീയിൽ കുരുത്തവൻ
    വെയിലുകളുടെ മുഖം നോക്കി
    ആകാശത്തിലേക്ക് മുഷ്ടി ചുരുട്ടി
    ജീവിക്കാനിറങ്ങിയവൻ ...

    ReplyDelete